دەسەڵاتدارانی کۆریای باشور ڕایانگه‌یاند،
کەوتنەخوارەوەی فڕۆکەیەک کە 181 کەسی تێدابو لەکاتی نیشتنەوەی لە فڕۆکەخانەی موان
لە باشوری ڕۆژئاوای ئەو وڵاتە 85 كه‌س گیانیان له‌ده‌ستداوه
لی جیۆنگ هیون، بەرپرسی بەشی ئاگرکوژێنەوەی
فڕۆکەخانەی موان لە میانی کۆنگرەیەکی ڕۆژنامەوانیدا ڕایگەیاند، "هۆکاری
ڕوداوەکە پێکدادان بوە لەگەڵ باڵندەکان و هەروەها بارودۆخی نالەباری کەشوهەوا،
بەڵام هۆکاری وردی ڕوداوه‌كه، دوای لێکۆڵینەوەیەکی هاوبەش ڕادەگەیەنرێت".
ڕوداوەکە سەعات ٧و نۆ خوله‌كی بەیانی بە کاتی ناوخۆ ڕویداوە،
لەکاتێکدا بڕیاربو کاتژمێر هەشت و نیو نیشتنەوەکە ئەنجام بدرێت.
میدیاکانی کۆریای باشور بڵاویانکردەوە، یەکەم
نیشتنەوەی فڕۆکەکە هەڵوەشاوەتەوە، چونکە فڕۆکەکە نەیتوانیوە بە شێوەیەکی ئاسایی
بنیشێتەوە لەکاتێکدا لە ڕێڕەوی فڕینی یەکەم لە فڕۆکەخانە نزیکبوەتەوە.
Copyright © 2020 Kirkuk Tv All Rights Reserved Designed And Developed By AVESTA GROUP