وەفدی دەم پارتی لەبارەی دیدارەکەیان لەگەڵ ئۆجەلان راگەیەندراوێک بڵاودەکاتەوە

وەفدی دەم پارتی راگەیەندراوێکی لەبارەی ناوەڕۆکی دیدارەکەیان لەگەڵ ئۆجەلان بڵاوکردەوە و تێیدا هاتووە، بەراورد بە پرۆسەکانی رابردوو، ئومێدی زیاتریان هەیە، وەفدی دەم پارتی لە راگەیەندراوەکەیدا ئاماژەی بەوەکردووە، بەهۆی هەستیارییەوە تاوەکو پرۆسەکە نەگاتە قۆناغێکی پێگەیشتوو، هیچ راگەیەندراوێک بڵاوناکەینەوە.
روونیشکراوەتەوە، ئەم بڕیارە بە واتای شاردنەوەی زانیارییەکان نایەت، بەڵکو رێزگرتنە لەو دیدارانەی دەیکەن، بەراورد بە پرۆسەکانی رابردوو ئومێدی زیاتریان هەیە.
رۆژی 28ــی 12ـی 2024، دوای زیاتر لە 10 ساڵ یەکەم وەفدی سیاسیی بە رەسمی سەردانی عەبدوڵا ئۆجەلان، رێبەری زیندانیکراوی پەکەکەیان لە گرتووخانەی ئیمراڵی کرد.
وەفدەکە لە هەریەک لە پەروین بوڵدان و سری سورەییا ئۆندەر پەرلەمانتارانی دەم پارتی پێکهاتبوو، لەگەڵ عەبدوڵا ئۆجەلان، رێبەری زیندانیکراوی پارتی کرێکارانی کوردستان کۆبوونەوە.