وەزیرانی دەرەوەی فەڕەنسا و ئەڵمانیا گەیشتنە دیمەشق

وەزیرانی دەرەوەی فەڕەنسا و ئەڵمانیا بۆ کۆبوونەوەو دانوستان لەگەڵ بەرپرسانی نوێی سوریا، گەیشتنە دیمەشی پایتەخت.
ئاژانسی هەواڵی فرانس پرێس بڵاویکردەوە: هەریـەك لە ژان نـۆئێل بارۆت و ئانالینا بایــربــــۆك– وەزیرانی دەرەوەی فەڕەنسا و ئەڵمانیا گەیشتنە دیمەشقی پایتەختی سووریا.
بەگوێرەی بڵاوکراوەی وەزیری دەرەوەی ئەڵمانیا ئامانجی سەردانەکەیان، گفتوگۆ و دانوستان و تاوتوێکردنی چەند پرسێکی گرنگە لەگەڵ بەرپرسانی نوێی سووریا.
ئەمە لەکاتێكدایە، وەزیرانی دەرەوەی فەڕەنسا و ئەڵمانیا بە نوێنەرایەتی یەکێتی ئەوروپا سەردانی دیمەشق دەکەن و بڕیاریشە لە سەردانەکەدا لەگەڵ ئەحمەد شەرع سەرۆکی دەستەی تەحریر شام کۆببنەوە، بەمەش دەبنە یەکەم وەفدی وەزیرانی دەرەوەی ئەوروپا لەدوای ڕووخانی ڕژێمەکەی ئەسەد بـــچنە سوریا.