پیرۆزبایی مەکتەبی سیاسی بۆ کوردسات

بەرێزان بەرێوەبەر و میدیاکاران و کارمەندانی دەزگای میدیایی کوردسات

لە ٢٥ هەمین ساڵیادی دامەزراندنی کەناڵی ئاسمانی کوردسات، پیرۆزیایی گەرمتان ئاراستە دەکەین و هیوای سەرکەوتنی زیاتر و بەردەوامیتان بۆ دەخوازین.

لە مێژووی پڕتەمەنی خۆیدا، دەزگای میدیایی کوردسات ، پیشەیی و هاوسەنگ پەیامەکانی خۆی گەیاندووە  و بۆتە دەنگ و رەنگی هەموو کوردان، سەرمەشقی هەواڵ و زانیاری دروست و راستگۆیانە و پارێزەری زمان و کەلتور و بەها بەرزەکانی کۆمەڵی کوردەواری بووە.
تێپەڕ بوونی چارەکە سەدەیەک لە خزمەت و تێکۆشانی میدیایی لە خزمەتی کورد و کوردستاندا کوردساتی کردۆتە مۆرێکی نیشتمانیی و نەتەوەیی و بەشێکی گرنگی یادەوەریی فەرهەنگی و سیاسییمان.
ئومێد دەکەین بۆ ساڵانی ئایندە، دەزگای میدیایی کوردسات بەهەمان گوڕو تین بەردەوام بێت و گەشەی زیاتر بەخۆی بدات.
جارێکی تریش پیرۆزە



مەکتەبی سیاسیی 
یەکێتیی نیشتمانیی کوردستان