دەزگای لوتکە: پار دوو هەزار و 200 کەس لە دەریای ناوەڕاستدا خنکاون

دەزگای لوتکە رایگەیاند، ساڵی 2024 دوو هەزار و 200 کەس لە دەریای ناوەڕاستدا خنکاون.
دەزگای لوتکە بۆ کاروباری ئاوارە و پەنابەران رایگەیاند، لە ماوەی ساڵی 2024دا، دوو هەزار و 200 کەس لە دەریای ناوەڕاستدا خنکاون و بێسەروشوێن بوون، تەنیا لە ناوەڕاستی دەریای ناوەڕاستدا نزیکەی هەزار و 700 کەس گیانیان لەدەستداوە، لەنێویاندا سەدان منداڵ و هەرزەکارهەبوون.
دەزگای لوتکە باس لەوەش دەکات، ئەم ژمارانە دوای رووداوی نوقمبوونی کەشتییەک لە شەوی سەری ساڵدا هاتووە، کە حەوت کەسی تێدا رزگارکراون و 20 کەسی دیکەش بێسەروشوێن بوون.
دەزگای لوتکە ئەوەشی خستەڕوو، لە هەر پێنج کۆچبەرێک کە لە دەریای ناوەڕاست دەپەڕنەوە، یەکێکیان منداڵی خوار تەمەنی یاساییە و زۆربەیان لە توندوتیژیی و هەژاری هەڵدێن