رووسیا هەناردەی گازی بۆ ئەوروپا راگرت

ئاژانسی ڕۆیتەرز بڵاوی کردەوە، رووسیا هەناردەی گازی سروشتی بۆ ئەوروپا راگرت.
ئاژانسی ڕۆیتەرز بڵاوی کردەوە، کە بەهۆی تەواوبوونی گرێبەستەوە، رووسیا هەناردەی گازی سروشتی بۆ ئەوروپا راگرتووە و دوای دەیان ساڵ لە هەناردەی گازی سروشتی بۆ ئەوروپا لە رووسیاوە بەناو ئۆکرانیا، ئەمڕۆ بەتەواوی هەناردەی گازی سروشتی رووسیا بۆ ئەوروپا وەستا.
ئاژانسەکە ئەوەشی خستەڕوو: هێلی هەنارەی گاز بەناو وڵاتی ئۆکرانیادا تێپەریوە و گەیشتووە بە وڵاتانی ئەوروپا و ماوەی ئەو گرێبەستە ٥ ساڵ بووە و لە مانگی یەکی ٢٠٢٥دا وادەی گرێبەستەکە کۆتایی هاتووە.
هاوکات، بەکارهێنەران و کۆمپانیاکان لە ئەوروپا رووبەڕووی بارگرانی ئابووری بوونەتەوە، ئەمساڵ نرخی غازی سروشتی بە رێژەی ٪٤٧ بەرزبووەتەوە.