سەرۆکی رەوتی حیکمە سەردانی مەزاری سەرۆک مام جەلالى کرد

سەید عەممار حەکیم، سەرۆکی رەوتی حیکمە  سەردانی مەزاری سەرۆک مام جەلالى کرد و لەلایەن مەکتەبی سکرتارییەت و د . محەمەد سابیر سەرۆکی دامەزراوەی سەرۆک مام جەلال و نزار ئامێدی ئەندامی مەکتەبی سیاسی پێشوازیکرا ..

لەو سەردانەدا عەممار حەکیم پاش ئەوەی تاجەگوڵینەی رێزوەفای لە سەر مەزاری مام دانا لە دەفتەرى یاداشتەکاندا بە شکۆوە ئاماژەی بە رۆڵی مێژوویی و پێگەی سەرۆک مام جەلال کرد لە ناوچەکەو عیراق و هەرێم رایگەیاند 
ئەمڕۆ هاتووینەتە ئێرە بۆ بیرخستنەوەی  هەڵوێستە زیندووەکانى سەرۆک مام جەلالە  لە بەرەنگاربوونەوەى دیکتاتۆریەت و بنیادنانى سیستمى دیموکراتیى نوێ کە مام هێمایەکى گەرەی یەکگرتوویى نیشتمانیىەو  شانازى پێوەدەکەین ئەم ساتەش دەرفەتێکە بۆ بیرخستنەوەى پەیوەندییە مێژووییەکانمان لەگەڵ بەڕێزیاندا و برایانى یەکێتیى نیشتمانیى کوردستان