بافڵ جەلال تاڵەبانی سەرۆکی یەکێتیی نیشتمانیی کوردستان بەبۆنەی یادی ٢٥ ساڵەی دامەزراندنی دەزگای میدیایی كوردسات-ەوە، پەیامێکی پیرۆزبایی ئاڕاستەی دەزگاکە دەکات و رایدگەیەنێت:"كوردسات لە سەرەتای دروستبوونییەوە میدیایەكی سەنگین و بەرپرسیاربووە، پابەند بە بنەما باڵاكان كاریكردووە و سەكۆیەك بووە بۆ گەیاندنی راستییەكان. لە بوارە كولتووری و كۆمەڵایەتییەكاندا رۆڵێكی باڵای گێڕاوە و میوانێكی شیرینی ماڵەكان بووە".
دەقی پەیامەکە:
بەڕێزان لە دەزگای میدیایی کوردسات
یادی ٢٥ ساڵەی دامەزراندنی دەزگای میدیایی كوردسات پیرۆزبێت و هیوای بەردەوامی و سەركەوتنی زیاترتان بۆ دەخوازم.
كوردسات لە سەرەتای دروستبوونییەوە میدیایەكی سەنگین و بەرپرسیاربووە، پابەند بە بنەما باڵاكان كاریكردووە و سەكۆیەك بووە بۆ گەیاندنی راستییەكان. لە بوارە كولتووری و كۆمەڵایەتییەكاندا رۆڵێكی باڵای گێڕاوە و میوانێكی شیرینی ماڵەكان بووە.
هیوادارم لە ساڵی نوێی كاركردنتاندا بە دڵسۆزی و داهێنانی زیاترەوە لە خزمەتەكانتان بەردەوامبن و ئێمەش پشتیوانتان دەبین.
شاد و سەرفرازبن
بافڵ جەلال تاڵەبانی
Copyright © 2020 Kirkuk Tv All Rights Reserved Designed And Developed By AVESTA GROUP