سەرباری جەنگ و گۆڕانی کەشوهەوا ژمارەی
دانیشتووانی زەوی لە کۆتایی ساڵی 2024 دەگاتە 8.09 ملیار کەس.
دامەزراوەی سەرژمێری ئەمریکا رایگەیاند، لەساڵی
2024دا ژمارەی دانیشتووانی زەوی 71 ملیۆن کەس زیادیکردووەو لەساڵی نوێدا ژمارەی
دانیشتووان دەگاتە 8.09 ملیار کەس.
دامەزراوەکە دەشڵێت، گەشەی دانیشتووان بەراورد بە
ساڵانی پێشوو لەمساڵدا کەمتربووە، ئەوەش بەهۆی گۆڕانی کەشوهەوا و جەنگ و کەمی
خۆراک و کەمبوونەوەی ئاو بـــووە.
سەرژمێریی ئەمریکا روونیکردووەتەوە، لەساڵی 2024دا
دانیشتوانی زەوی بەڕێژەی 0.9% زیادیکردووە، واتا بەراورد بە ساڵی 2023 گەشەی
دانیشتوان خاوبووەتەوە، چونکە لەو ساڵەدا 75 ملیۆن کەس لە جیهاندا زیادیکرد، واتا چوار
ملیۆن کەس بەراورد بە پـــــار کەمتر لەدایکبوون.
Copyright © 2020 Kirkuk Tv All Rights Reserved Designed And Developed By AVESTA GROUP