دەستەی کەشناسی عیراق: لە سەنتەری پارێزگای کەرکوک 2 ملیم باران باریوە

دەستەی کەشناسی عێراق ڕێژەی بارانبارینی لە کەرکوک و پارێزگاکانی دیکە بڵاوکردەوە، لە سەنتەری پارێزگای کەرکوک  2 ملیم باران باریوە. کەشناسی هەرێمیش پێشبینی دەکات، سبەینێ پلەی گەرما بەراورد بە ئەمڕۆ کەمێک بەرزتر بێتەوە.
بەڕێوەبەرایەتی گشتی کەشناسی و بومەلەرزەزانی هەرێم بڵاویکردەوە، ئەمڕۆ ئاسمان بەگشتی نیمچە هەوردەبێت، ئەگەری نمەباران هەیە لەسەر هەندێک ناوچەی شاخاوی بەتایبەت لە سنوری پارێزگای سلێمانی و بەشێك لە ناوچەکانی سنوری پارێزگای هەولێر، لەگەڵ دروستبونی تەم لەسەر هەندێک لە ناوچە شاخاوییەکان.
سەبارەت بە کەشی سبەینێ سێشەممە کەشناسی هەرێم رایگەیاند، ئاسمان بە گشتی نیمچە هەوردەبێت و پلەی گەرما بەراورد بە ئەمڕۆ کەمێک بەرزتر دەبێتەوە.