زە سەن: بەشار ئەسەد ژەهرخوارد کراوە

رۆژنامەی "زە سەن"ی بەریتانی، هەوڵی تیرۆركردنی بەشار ئەسەدی سەرۆكی هەڵاتووی سووریای لە رێی ژەهر خواردكردنەوە ئاشكرا كرد.
رۆژنامەی زە سەنی بەریتانی لە زاری لێپرسراوانی ئەمنی رووسیاوە بڵاویكردووەتەوە: یەكشەممەی رابردوو لە روسیا، هەوڵدراوە بەشار ئەسەد ژەهرخوارد بکرێت و لەو رۆژەوە رەوشی تەندرووستی ئەسەد تێكچووە و داوای یارمەتی پزیشكی كردووە.
ئاماژەی بەوە شکردووە: ئێستا تەندرووستی ئەسەد باش نییە و بە توندی تارادەی خنكان دەكۆكێت.
رۆژنامەکە ئەوەشی خستووەتە روو: هەرچەندە تاوەکو ئێستا پزیشكەكان حاڵەتی ژەهرخواردنەكەی ئەسەدیان یەكلانەكردووەتەوە، بەڵام نیشانەكانی ئەوە دەردەخەن هۆكاری تێكچوونی تەندرووستی ئەسەد ژەهرخواردکردنییەتی.
بەشار ئەسەد، سەرۆکی دیکتاتۆری رژێمی پێشووی سوریا لەگەڵ کەوتنی حکومەتەکەیدا، بەرە و روسیا هەڵات و لەوێ مافی پەنابەری پێدراوە.