ئەڵمانیا ژن و پیاوێکی عیراقی بەتۆمەتی دەستدرێژی بۆسەر کچانی ئێزیدی دادگایی دەکات

بڕیاره‌ به‌م زووانه‌ ژن و مێردێكی عێراقی له‌ دادگایه‌كی وڵاتی ئه‌ڵمانیا به‌ تۆمه‌تی ده‌ستدرێژی سێكسی و كۆیله‌كردنی دوو كچه‌ ئێزیدی دادگایی بكرێن.
به‌پێی ئه‌و زانیاریانه‌ی ئاژانسی سكای نیوز بڵاویكردووه‌ته‌وه‌، داواكاری گشتی فیدراڵیی‌، تۆمه‌تی به‌كۆیله‌كردن و ئه‌شكه‌نجه‌دان و تاوانی جه‌نگی خستووه‌ته‌ ئه‌ستۆی ئه‌و ژن و مێرده‌و ‌ئێستا هه‌ردووكیان له‌و وڵاته‌ ده‌ستگیركراون.
 10ساڵ له‌مه‌وبه‌ر پیاوه‌كه‌ له‌سه‌ر داوای ژنه‌كه‌ی، كچێكی ته‌مه‌ن پێنج ساڵانی ئێزیدی له‌ بازاڕێكی عێراق كڕیوەو له‌ساڵی 2017ش كچێكی دیكه‌ی ئێزیدی كه‌ ته‌مه‌ن 12 ساڵان بووه‌ كڕیوه‌و وه‌ك كۆیله‌ كاریان پێكردووه‌.
داواكاری گشتی ئه‌ڵمانیا ده‌ڵێت‌، ئه‌م دوو كچه‌ به‌ ناچاری كاریان پێكراوه‌، ده‌ستی كچه‌ پێنج ساڵانه‌كه‌ به‌ ئاوی گه‌رم سووتاوه‌، ئه‌و دوو كچه‌ رێگه‌یان پێنه‌دراوه‌ به‌شداری رێوڕه‌سمه‌ ئاینییه‌كانیان بكه‌ن.
هه‌ردوو تۆمه‌تباره‌كه‌ له‌ رۆژی 9.4,2024  له‌ ویلایه‌تی باڤاریای ئه‌ڵمانیا،‌ ده‌ستگیركران و له‌و كاته‌وه‌ ده‌ستبه‌سه‌ركراون.