فەرمانی دەستگیرکردن بۆ سەرۆکی کۆریای باشوور دەرچوو

بەهۆی ئامادەنەبوونی لەبەردەم دادگا، بۆ یەکەمینــجار لە مێژووی کۆریای باشووردا فەرمانی دەستگیرکردن بۆ سەرۆکی ئەو وڵاتە دەرچوو.
میدیاکانی کۆریای باشوور بڵاویانکردەوە، دادگای رۆژاوای سیئــۆل بەتۆمەتی راگەیاندنی باری لەناکاو و ناردنی سوپا بۆ پەرلەمانی ئەو وڵاتە، فەرمانی دەستگیرکردنی بۆ یۆن سوک یۆل سەرۆکی کۆریای باشوور دەرکرد، کە ماوەیەک لەمەوبەر دەسەڵاتەکانی ســـڕکرا.
پێشتر، هەر لەم مانگەدا چەند جارێک دادگا بۆ روونکردنەوە بانگهێشتی یۆن سوک یۆلــی کردبــوو، بەڵام ئامادەنەبوو بچێتە بەردەم دادوەر، بەهۆیەوە ئەمڕۆ فەرمانی دەستگیرکردنی بۆ دەرچوو.
ئەمە لەکاتێکدایە، سەرباری سڕکردنی دەسەڵاتەکانی لەلایەن پەرلەمانەوە، هێشتا بە رەسمی یۆن سوک یۆل وەک سەرۆکی وڵات ماوەتەوەو دادگای دەستوریی ئەو وڵاتە بڕیاری کۆتایی لەبارەوە نەداوە.
رۆژی 3ی ئەم مانگە سەرۆکی کۆریای باشور بۆ رێگریکردن لەدەنگدان لەبارەی مەرسومێک، سوپای وڵاتەکەی ناردە سەر پەرلەمان و دوای شەش سەعات، بەهۆی فشاری لایەنە سیاسیەکانی وڵاتەکەو هاوڵاتییان، هێزە کەی لە پەرلەمان کشاندەوە.