پارەی بژمێرەکانی پڕۆسەی سەرژمێری دابەشدەکرێت

پاش دوو مانگ لە بەڕێوەچونی پرۆسەی سەرژمێری دانیشتوان لە عیراق و هەرێمی کوردستان، پارەی کارمەندانی بژمێری سلێمانی گەیشت و دەست بەدابەشكردنی کرا.
شوان جەبار سەرپەرشتیاری سەرژمێری گشتی دانیشتوان لە سلێمانی رایگەیاند: پارەی کارمەندانی بژمێری سلێمانی بۆ سەرژمێری گشتی دانیشتوان لە دوێنێوە گەیشتوە و دەست بەدابەشکردنی کراوە.
وتیشی: پرۆسەی دابەشکردنی پارەکە بەردەوام دەبێت تا سەرجەم کارمەندان پارەکانیان پێدەدرێت.
ئەمە لە کاتێکدایە هەفتەی رابردوو پارەی بژمێرەکان گەیشتوەتە پارێزگاکانی هەولێر و دهۆک و بەسەریاندا دابەشکراوە و بەڵام پارەی بژمێرەکانی سلێمانی دوێنێ گەیشتوە.
بەپێی زانیارییەکان، زیاتر لە 400 ملیار دینار بۆ جێبەجێكردنی پرۆسەی سەرژمێری لە عیراق و هەرێم تەرخانكراو 120 هەزار سەرژمێركار لەعیراق و هەرێمی كوردستان بەشدار بوون لە سەرژمێری گشتیی دانیشتوان و هەر بژمێرێك لەشارەكاندا 120 خێزانی پێدرا و لە گوندەكانیشدا 40 خێزان.