سێ بازرگانی مرۆڤ دەستگیركران

دوای كۆكردنەوەی زانیاریی ورد و چاودێریكردنیان دەزگای ئاسایشی هەرێم سێ بازرگانی مرۆڤ دەستگیردەكات
لەسەر بڕیاری دادوەری لێكۆڵینەوەی ئاسایش ، بەڕێوەبەرایەتی گشتی ئاسایشی سلێمانی بە هاوئاهەنگی لەگەڵ بەڕێوەبەرایەتی گشتی ئاسایشی هەولێر و ئاژانسی تاوانی نیشتیمانیی بەریتانیا لە شاری سلێمانی و سنوری شارەكە ، ئۆپراسیۆنێكی ئەنجامدا.
بەپێی زانیارییەكانی كەناڵی كەركوك لە ئۆپراسیۆنەكەدا سێ كەس بەتۆمەتی بازرگانیكردن بە مرۆڤەوە ( قاچاغــچی) دەستگیركراون ، تۆمەتبارەكان بەڕێگای نایاسایی كۆچبەریان گواستوەتەوە بۆ بەریتانیا و وڵاتانی دیكەی ئەوروپا ، بازرگانەكان بەشێوەی تۆڕ كاریانكردووە و خەڵكی هەرێمی كوردستانن ، دوای دەستگیركردنیان لێكۆڵینەوەكان لەگەڵیان دەستپێكردووە.