فڕۆکە جەنگییەکانی عیراق لە ئۆپراسیۆنێکدا چەند تیرۆریستێکی داعش دەکەنە ئامانج

فەرماندەی ئۆپراسیۆنە هاوبەشەكانی عیراق، کوژران چەندین تیرۆریستی سەر بەداعش لە نزیک کەرکوک رادەگەیەنێت.
فەرماندەی ئۆپراسیۆنە هاوبەشەكانی عیراق رایگەیاند: لە ئۆپراسیۆنێكدا لە نزیك كەركوك چەند تیرۆرستێكی داعش كوژراون و پێگەكانیشیان خاپوور كرا.
ئاماژە بۆ ئەوەشکراوە: بە پشت بەستن بە زانیاری هەواڵگری و زانیاری هاوپەیمانی نێودەوڵەتی، ئۆپراسیۆنێكیان لە رێگەی بەكارهێنانی فرۆكەی ئێف ١٦ لە زنجیرە چیای حەمرین لە نزیك كەركوك ئەنجامدا.
فەرماندەی ئۆپراسیۆنە هاوبەشەكانی عیراق ئاشکراشیدەکات: چەند ئەشكەوت و پێگەیەك خاپوور كران كە زانیاری هەبوو كە سەر بە رێكخراوی تیرۆریستی داعش بن،  دوای ئۆپراسیۆنەكەش شوێنی ئەنجامدانی هێرشکە لەلایەن هێزەکانمانەوە پشکنینی بۆ ئەنجامداوە و لاشەی چەند تیرۆرستێك دۆزرانەوە.