تەیف سامی چەند مەرجێک بۆ ناردنی مووچەی هەرێم دیاریی دەکات

بۆ ناردنی مووچەی مانگی 1ـی ئەمساڵ، تەیف سامی، وەزیری دارایی عێراق ژمارەیەك داواكاری لە وەفدی هەرێمی کوردستان هەبووە.
سەرچاوەیەکی ئاگادار لە وەزارەتی دارایی هەرێمی کوردستان رایگەیاند، تەیف سامی وەزیری دارایی فیدراڵ ئامادەیی دەربڕیوە بۆ چارەسەری بنەڕەتیی گرفتی مووچە لە نێوان هەرێمی کوردستان و حکومەتی عێراق، بەڵام کۆمەڵێک داواکاریی هەیەو داوێتییە وەفدی دارایی هەرێمی کوردستان.
بەگوێرەی سەرچاوەکە، وەزیری دارایی عێراق داوای لە لیژنەکە کردووە، پابەندبن بە رادەستکردنی 50٪ـی داهاتی نانەوتیی، ناردنی لیستی مووچەخۆران بە (یو پی ئێن)ەوە و ناردنی تەرازووی پێداچوونەوەی مانگانە لە کاتی خۆیدا
سەبارەت بە لیستی مووچەی مانگی کانوونی دووەم، بۆ یەکەمجار لیستەکە بە شێوازی پەیڕۆڵ ئامادە دەکرێت و بە یو پی ئێنەوە بەمزووانە دەنێردرێت بۆ بەغداد
بریاریشە، رۆژی یەکشەممەی داهاتوو، کۆبوونەوەی هاوبەش لەنێوان دارایی هەرێم و عیراق ئەنجامبدرێت و بڕیاری پێویست لەسەر شایستە داراییەکانی هەرێمی کوردستان بدرێت.