فڕۆکەیەکی عیراقی لە بەسرەوە بەرەو هەولێر
بەڕێکەوتبوو، بەڵام بەهۆی مردنی سەرنشینێکییەوە لە فڕۆکەخانەی بەغدا نیشتەوە.
مەیسەم سافی، وتەبێژی
وەزارەتی گواستنەوەی عێراق رایگەیاند، ئەمڕۆ فڕۆکەیەکی هێڵی ئاسمانی عێراقی لە
بەسرە بەرەو فڕۆکەخانەی نێودەوڵەتی هەولێر لە رێگادابووە بە ناچاریی لە فڕۆکەخانەی
نێودەوڵەتی بەغدا نیشتەوە.
وتەبێژەکە
روونیکردەوە هۆکاری نیشتنەوەی فڕۆکەکە تێکچوونی تەندروستی یەکێک لە سەرنشینەکانی و
گیانی لەدەستدانی بووە.
وتیشی تیمی فڕۆکەکە رێکارە جیهانییەکانیان بۆ پاراستنی
سەلامەتی سەرنشینان پەیڕەو کردووە و بە ناچاری لە فڕۆکەخانەی بەغدا نیشتوونەتەوە و
لەبارەی ناسنامەی کەسەکەشەوە هێشتا هیچ زانیارییەک ئاشکرا نەکراوە.
هێڵی ئاسمانی عێراقی گەورەترین هێڵی ئاسمانی وڵاتەکەیە
و خاوەنی 43 فڕۆکەیە، لە چوارچێوەی وەزارەتی گواستنەوەدا کار دەکات.
Copyright © 2020 Kirkuk Tv All Rights Reserved Designed And Developed By AVESTA GROUP