ئیلهام ئەحمەد: ئاوارەکانی عەفرین و سەرێ کانی دەگەڕێنەوە زێدی خۆیان

ئیدارەی خۆبەڕێوەبەریی رۆژئاوای کوردستان و دەسەڵاتدارانی دیمەشق رێککەوتون، ئاوارەکانی عەفرین و سەرێ کانی و گرێ سپی بگەڕێنەوە ناوچەکانی خۆیان و یەکەم کاروانیش ئاوارەکان عەفرین دەگەڕێنەوە.
ئیلهام ئەحمەد، هاوسەرۆکی پەیوەندییەکانی دەرەوەی ئیدارەی خۆبەڕێوەبەریی رۆژئاوای کوردستان رایگەیاند: بە چاودێریی نێودەوڵەتی سەرقاڵی دانوستانین لەگەڵ حکومەتی نوێی دیمەشق، بۆ گەڕاندنەوەی ئاوارەکان و بەڵێن دەدەین ئەمساڵ دانیشتوانی عەفرینی داگیرکراو و سەرێ کانی و گرێ سپی بگەڕێنەوە ماڵەکانی خۆیان.
بەرپرسەکەی رۆژئاوای کوردستان جەختی کردەوە؛ بەم نزیکانە پێشهاتی گرنگ دێنەپێش و دەبنە مایەی دڵخۆشی گەلی کورد. ئاشکراشی کرد، دوای جەژن مزگێنی گرنگتان پێ دەدەین، وەفدێکی کورد لەگەڵ ئیدارەی دیمەشق کۆدەبێتەوە و داخوازییەکانی خۆی رادەگەیەنێت.
وتیشی : گەلی کورد لە بونیاتنانی سوریای نوێ بەشدار دەبێت، بۆ ئەوەی بوونی گەلی کورد و گەلانی سوریا مسۆگەر بکرێت.