هێزه‌كانی پاراستنی گه‌ل (هەپەگە) ئاماری هێرش و بۆردومانه‌كانی سوپای توركیای بۆسه‌ر هێزه‌كانیان بڵاوكرده‌وه‌و ئاماژه‌ی بۆئه‌وه‌كردووه كه، ته‌نها لە سێ ڕۆژدا تورکیا ٩٣٧ جار لە ئاسمان و زەوییەوە، گەریلای بۆردوومان کردووە.
ناوەندی ڕاگەیاندن و چاپەمەنیی (هەپەگە) له راگه‌یه‌ندراوێكدا ئاماژه‌ی بۆئه‌وه‌كردووه كه:" سوپای توركیا له رۆژانی ٢٣ و ٢٤ـی ئادار گەریمی شەهید دەلیلی له ڕۆژئاوای زاپ 3 جار بە درۆنی بۆمب هەڵگر بۆردووامانکردووه، له رۆژانی ٢٤ و ٢٥ـی ئادار هەرێمی خواکورک و هەرێمی گارە بە گشتیی ٩ جار بە فڕۆکەی جەنگی بۆردوومانکراون و هەرێمی شەهید دەلیلی رۆژئاوای زاپ ٢٨ جار بە فڕۆکەی جەنگی بۆردوومان کراوە."
هەپەگە ئه‌وه‌شیخستووه‌ته‌ڕو كه:" لە ٢٤ و ٢٥ـی ئادار لە هەرێمی خواکوڕک، لە هەرێمی گارە، لە هەرێمی مەتینا، لە هەرێمی شەهید دەلیلی ڕۆژئاوای زاپ، بە گشتی؛ ٨٩٧ جار بە چەکی قورس، تۆپ و هاوەن بۆمباران کراون."
باسی لەوەشکردووە:" لە ٢٣ـ ی ئادار دا لە هەرێمی شەهید دەلیلی ڕۆژئاوای زاپ لە گۆڕەپانی بەرخۆدانی گردی ئامەدی بە چەکی نیو ئۆتۆماتیک و چەکی قورس بەرپەرچی سوپای توركیا دراوەته‌وە کە هێرشی تونێلەکانی دەکرد، لە ئەنجامدا کامێرایەکی چاودێریی و سەنگەرێک لە ناوبراوه"
Copyright © 2020 Kirkuk Tv All Rights Reserved Designed And Developed By AVESTA GROUP