بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە تێكۆشەران فەرید ئەسەسەرد، ئارێز عەبدوڵڵا ، رەهبەر سەید برایم، جوتیار نوری، ئاوات محەمەد، حەمە زیاد مەولود كرد.
لەدیدارێكی دۆستانەدا گفتوگۆی هەمەلایەنە لەبارەی پێشهات و گۆڕانكارییە سیاسییەكان و ئەركە حزبی و رێكخراوەییەكان كراو تەئكید لەپابەندبوون بە سیاسەتی نیشتمانی و بەرپرسیارانەی یەكێتی بۆ كۆی هاوكێشەكان كرایەوە، بە شێوەیەك هەموو هەوڵەكان یەكبخرێن لەپێناو یەكڕیزی كوردایەتی و زیاترخزمەتكردنی خەڵك و یەكێتی ناو یەكێتی.
سەرۆك بافڵ جەلال تاڵەبانی لەدیدارەكەدا ستایشی رۆڵی هەریەك لە تێكۆشەران كرد كە بەشێكن لە مێژووی خەباتی بەردەوامی یەكێتی و دووپاتیكردەوە، وەك هەمیشە تێكۆشەرەكانی یەكێتی رێنیشاندەری خەباتمان دەبن و وەك وتوومانە سەرمایەیەكی لەبن نەهاتوون و پێكەوە هەموومان لە سەر رێبازەكەی سەرۆك مام جەلال بەیەك رۆحییەتی یەكێتی بوونمانەوە ئەركە كوردستانی و ستراتیژییەكان رادەپەڕێنین لەپێناو سەرفرازی گەلەكەمان .
Copyright © 2020 Kirkuk Tv All Rights Reserved Designed And Developed By AVESTA GROUP