ئاراس محەمەد ئاغا ئەندامی سەرکردایەتی و لێپرسراوی مەڵبەندی نەینەوای یه‌كێتیی نیشتمانیی كوردستان، لە درێژەی سەردان و بەسەرکردنەوەکانی، هاوڕێ له‌گه‌ڵ محەمەد جاسم کاکەیی و ویسام سالم ئەندامانی ئەنجومەنی پارێزگای نەینەوا لە فراکسیۆنی سەوز سەردانی شێخ شەوکەوت، سەرۆكی عەشیرەتی نەجماوی لە پارێزگای نەینەوا کرد.
له‌و سه‌ردانه‌یه‌دا كه لەڵایەن سه‌رۆكی عه‌شیره‌تی نه‌جماوی و براکانی و ژمارەیەك لە خزم و کەسوکاری پێشوازی گەرمکران
دۆخی عیراق بەگشتی و پارێزگای نەینەوا بەتایبەتی تاوتویکران.
ئاراس محەمەد ئاغا رۆڵی سه‌رۆكی عه‌شیره‌تی نه‌جماوی و خزمانی نەجماوی بەرزنرخاند لە چارەسەرکردنی کێشەوگرفتی هاووڵاتییان بەتایبەتی لە شاری نەینەوا و رایگەیاند : یەکێتی هاوکار و پشتیوانیی پێکهاتەکانی نەینەوا دەبێت بەبی جیاوازیی بە ئامانجی خزمەتکردنی هاوڵاتیانی شارەکە.
دووپاتشیكرده‌وه:" له‌سه‌ر رێبازه‌كه‌ی سه‌رۆك مام جه‌لال به‌رده‌وام ده‌بن بۆ پته‌وكردنی تەبایی و برایەتیی و پێکەوە ژیانی نێوان پێکهاتە و ئاینە جیاوازەکانی شارەکە"
Copyright © 2020 Kirkuk Tv All Rights Reserved Designed And Developed By AVESTA GROUP