هەشتەمین کۆنفرانسی ئامادەکاریی دووەمین دیداری یه‌كێتی لە کەرکوک به‌ڕێوه‌چو

کوردستان
19:27 - 2025-03-26


ئەمڕۆ هەشتەمین کۆنفرانسی ئامادەکاری دووەمین دیداری یه‌كێتيی نیشتمانیی كوردستان لە کەرکوک بە ئامادەبوونی بەشێک لە ئەندامانی مەکتەبی سیاسی و سەرکردایەتی و میوانانی کەرکوک و سەڵاحەدین، لە سەرجەم سێکتەرەکان بۆ گفتوگۆکردن لەسەر پرسە گرنگەکان و سیاسەتی یەکێتی بەڕێوەچوو.

دوای ساتێک وەستان بۆ گیانی پاکی شەهیدان کۆنفرانسەکە دەستیپێکرد و مەلا کەریم شکور لێپرسراوی مەڵبەندی حەمرین-ی یەکێتی وتارێکی پێشکەشکرد و رایگەیاند:"لەگەڵ ئەو کێشانەی لەناوچەکە هەیە، یەکێتی هەمیشە دەستپێشخەر بووە بۆ چارەسەرکردنی کێشەکان و خۆی بۆ قۆناغی نوێ ئامادەکردووە، بۆیە گرنگە پەند لەهەڵەکانی رابردوومان وەربگرین و هەوڵی چارەسەرکردنی کێشەکان بدەین".

دواتریش ئاسۆ مامەند سەرپەرشتیاری کەرکوک-سەڵاحەدینی ی.ن.ک لە وتارێکدا  رایگەیاند:" یەکێتی هەمیشە هەوڵیداوە پێگەی کورد لەناوچە جێناکۆکەکان بەهێزتر بکات، بۆ ئەمەش پێویستمان بەپشتیوانی هەموو لایەکە، هەر ئەمەش وایکرد لەهەڵبژاردنەکانی رابردوودا دەنگی زۆرینەی شارەکە بەدەستبهێنین و بە ئیستحقاقی خۆمان پارێزگارێکی کوردی یەکێتی بۆ کەرکوک دابنێین".

وتیشی:" لەسەر رێبازەکەی سەرۆک مام جەلال ئەرکمانە خزمەتی سەرجەم پێکهاتەکانی کەرکوک بکەین، چونکە هەموومان دەزانین، کە یەکێتی و کەرکوک دووانەیەکی لێک دانەبڕاون، بۆیە گرنگە رێکخستنەکانمان لە کەرکوک و خورماتوو بەهێزتر بکەین و خۆمان ئامادەبکەین بۆ گۆڕانکاری گەورە لەناو رێکخستن و ئۆرگانەکانماندا ئەمە جگە لەوەی ئەرکی پاراستنی دەستکەوتەکانمان لەسەر شانە"

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP