کەشناسیی عیراق: لە دوو رۆژی داهاتوودا شەپۆلێکی بارانبارین ناوچەکە دەگرێتەوە

کەشناسیی عێراق رایگەیاند، شەپۆلێکی بارانبارین شارەکانی عێراق و هەرێمی کوردستان دەگرێتەوە و چەند رۆژێک بەردەوام دەبێت.

دەستەی کەشناسیی و بومەلەرزەزانیی عێراق پێشبینییەکانی بۆ کەشوهەوای دوو رۆژی داهاتووی شارەکانی عێراق و هەرێمی کوردستان بڵاوکردەوە و ئاماژەی بەوەدا، شەپۆلێکی بارانبارین لە رۆژی پێنجشەممەدا عێراق و هەرێم دەگرێتەوە و ئاسمان پەڵەهەور دەبێت.

سەبارەت بە کەشوهەوای رۆژی هەینیش ئاماژەی بەوەداوە، ئاسمان نیمچەهەور دەبێت و هاوشێوەی رۆژی پێنجشەممە ئەگەری بارانبارین بوونی دەبێت.