وەزارەتی بازرگانیی عێراق بە هەماهەنگی لەگەڵ لایەنە پەیوەندیدارەکان، هاوردەکردنی ئۆتۆمبێل سنوورداردەکات.
محەمەد حەنون وتەبێژی وەزارەتی بازرگانیی عێراق رایگەیاند، بەم نزیکانە میکانیزمێک بۆ رێکخستن و سنوورداکردنی ئاستی هاوردەکردنی ئۆتۆمبێل لە عێراق جێبەجێدەکرێت، بە سەرپەرشتی وەزارەتی بازرگانیی و لایەنە پەیوەندیدارەکان.
ئاماژەی بەوەشداوە، میکانیزمەکە کاریگەری لەسەر کۆنترۆڵکردنی بازاڕی ئۆتۆمبێل و کەمکردنەوەی قەرەباڵغی شەقام و رێگاوبانەکان هەیە.
ئەوەشی خستووەتەڕوو، بە مەبەستی جێبەجێکردنی میکانیزمەکە هەماهەنگی لە نێوان وەزارەتی بازرگانیی عێراق و بەڕێوەبەرایەتیی گشتیی هاتوچۆ و وەزارەتی دارایی و بەڕێوەبەرایەتیی گومرگەکان دەکرێت و پێشبینی دەکەن لە ماوەکانی داهاتوودا هەنگاوی جدی بۆ جێبەجێکردنی بنرێت.
Copyright © 2020 Kirkuk Tv All Rights Reserved Designed And Developed By AVESTA GROUP