رۆژنامەی دەستوور بڵاویکردووەتەوە، یەدەگی زێڕی
عێراق گەیشتووەتە 162 تۆن و 700 کیلۆگرام، بەوەش بووەتە 28ـەمین وڵات لەسەر ئاستی
جیهان، لەڕووی زۆری
یەدەگی زێڕەوە.
بەگوێرەی نوێترین ئاماری ئەنجوومەنی جیهانی زێڕ،
عێراق توانیویەتی پارێزگاری لەو بڕەی زێڕە بکات، کە هەیەتی و زیادیشی کردووە.
عیراق پێشتر لە پلەی 31ـەکەمینی ئەو 100 وڵاتەی
جیهاندا بوو کە زۆرترین یەدەگی زێڕیان هەیە، بەڵام ئێستا هاتووەتە پلەی 28،
هەروەها لەسەر ئاستی وڵاتانی عەرەبیش لە پلەی چوارەمدایە لە دوای سعودیە و لوبنان
و جەزائیرەوە.
ئەنجومەنی جیهانیی زێڕ دەڵێت، ئێستا عێراق 162
تۆن و 700کیلۆگرام یەدەگی زێڕی هەیە کە لەسەدا 12 پۆینت حەوتی کۆی یەدەگەکانی
پێکدەهێنێت.
Copyright © 2020 Kirkuk Tv All Rights Reserved Designed And Developed By AVESTA GROUP