دۆناڵد ترەمپ و شای ئوردن لە كۆشكی سپی كۆبوونەوەو
ترەمپیش سوورە لەسەر ڕاگواستنی دانیشتوانی غەززە.
دۆناڵد ترەمپ سەرۆکی ئەمریکا دوای كۆبوونەوەی
لەگەڵ شـــا عەبدوڵای دووەم شای ئوردن لە كۆشكی سپی رایگەیاند، فەلەستینییەكان جگە
لە غەززە دەتوانن لە شوێنێكی تر بە ئارامی بژین و جەختیكردەوە، پرۆسەی لـكاندنی
كەناری ڕۆژئاوا بە ئیسرائیلەوە سەركەوتوو دەبێت.
ئاماژەی بەوەشكرد، ئەمریكا دەست بەسەر كەرتی
غەززەدا دەگرێت و دەیكات بە مرواری، وتیشی، گواستنەوەی دوو ملیۆن دانیشتوی كەرتی
غەززە ئەركێكی قورس نییەو لە ئوردن و میسر زەوییان بۆ تەرخان دەكەن.
لای خۆیەوە شای ئوردن وتی، باشترین بڕیار بۆ
وڵاتەكەی دەدات لەبارەی داهاتووی غەززەو ئاشكرایكرد، وڵاتانی عەرەبی دێنە ئەمریكا
بۆ وەڵامدانەوەی پێشنیارەكەی ترەمپ سەبارەت بە غەززە.
Copyright © 2020 Kirkuk Tv All Rights Reserved Designed And Developed By AVESTA GROUP