ئەنجوومەنی نوێنەرانی عێراق بەرنامەی کاری دانیشتنەکانی رۆژانی یەکشەممە و دووشەممەی داهاتووی بڵاوکردەوە کە دەنگدان و خوێندنەوە بۆ 12 پرۆژەیاسا دەکات.
دارا سێکانیانی ئەندامی لیژنەی یاسایی ئەنجوومەنی نوێنەرانی عێراق رایگەیاند، "پرۆژەیاسای بەپارێزگابوونی هەڵەبجە خوێندنەوەی یەکەم و دووەمی بۆ کراوەو لە لیژنەی یاسایی پەسەندکراوە .
وتیشی، کورد لە ئەنجوومەنی نوێنەران هەیەو لە حکومەتی سودانی و ئیدارەی دەوڵەتدا بەشدارن، دەتوانن سازان و رێککەوتن لەگەڵ سوننە و شیعە بکەن تاوەکو دەنگ لەسەر پرسی بە پارێزگابوونی بدرێت و بودجەی وەک پارێزگاکانی دیکە هەبێت".
دارا سێکانیانی ڕوونشیکردەوە، ئیمزایان کۆکردووەتەوە تاوەکوو پرسی بەپارێزگابوونی هەڵەبجە بخرێتە بەرنامەی کارەوەو وتی: ئەگەر لەم خولەی ئەنجوومەنی نوێنەران دەنگدان بۆ پرۆژەیاسای بەپارێزگابوونی هەڵەبجە نەکرێت، ئەوا بۆ خولێکی دیکە دەبێت لە سەرەتاوە دەست بە کارەکانی بکرێتەوە.
Copyright © 2020 Kirkuk Tv All Rights Reserved Designed And Developed By AVESTA GROUP