د.لەتیف ڕەشید، سەرۆک کۆماری عیراق لە بەغدا
پێشوازیکرد لە د.مەحمود مەشهەدانی سەرۆکی ئەنجوومەنی نوێنەران.
لەکۆبوونەوەیەکدا پێشکەوتنەکانی وڵات لەبوارە
جیاجیاکانداو هەروەها بارودۆخی گشتی ناوچەکەو نێودەوڵەتی تاوتوێکران و سەرۆک کۆمار
گرنگی بەهێزکردنی هەماهەنگی نێوان سەرۆکایەتی کۆمارو ئەنجومەنی نوێنەرانی ئاماژە
پێکردو پڕۆژە یاساکانی سەرۆکایەتی بەمەبەستی تاوتوێکردن و پەسەندکردنیان بەشێوەیەک
کە مافەکانی سەرجەم هاوولاتیان مسۆگەر بکات باسی لێوەکرا.
لای خۆشیەوە د.مەحمود مەشهەدانی سوپاس و پێزانینی
خۆی بۆ سەرۆک کۆمار دەربڕی بۆ هەوڵەکانی لەبەهێزکردنی سەقامگیریی سیاسی لەوڵات و
پەرۆشی بۆ پاراستنی مافەکانی گەل و تەئکیدیشیکردەوە لەهەوڵی سەرۆکایەتی ئەنجومەنی
نوێنەران بۆ بەرەوپێشبردنی ئەرکەکانی بەشێوەیەک کە بەرژەوەندییە باڵاکانی عێراق و
گەلەکەی بەدی بهێنێت.
Copyright © 2020 Kirkuk Tv All Rights Reserved Designed And Developed By AVESTA GROUP