وەزارەتی پەروەردەی عیراق: 260 هەزار خوێندکاری دابڕاو گەڕاونەتەوە بۆ خوێندن

عێراق
12:04 - 2025-02-16

 

کەریم سەید، وتەبێژی وەزارەتی پەروەردەی عیراق رایگەیاند: لە چوارچێوەی هەڵمەتی “گەڕانەوە بۆ خوێندن” 260 هەزار خوێندکاری دابڕاو گەڕاونەتەوە بۆ هۆڵەکانی خوێندن.
وتیشی: ئەو هاوکارییە داراییەی تەرخانکرابوو، زیاتر لە دوو ملیۆن خوێندکار لێی سوودمەندبوون و کاریگەری ئەرێنی لەسەر بارودۆخی دارایی خوێندکارەکان و گەڕانەوەیان بۆ پڕۆسەی خوێندن دروستکردووە.
لە ماوەکانی رابردوودا، وەزارەتی پەروەردەی عیراق، هەڵمەتێکی راگەیاند بە مەبەستی گەڕانەوەی ئەو خوێندکارانەی بەهۆی بارودۆخی داراییەوە لە خوێندن دابڕاون، لەو چوارچێوەیەشدا وەک هاوکارییەک مانگانە، بڕی 30 هەزار دیناری بۆ هەر خوێندکارێکی قۆناغی بنەڕەتی و 50 هەزار دیناریشی بۆ هەر خوێندکارێکی قۆناغێ ناوەندی تەرخانکرد.



بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP