مالیکی سه‌رۆكی هاوپه‌یمانیی ده‌وڵه‌تی قانون راگه‌یاند، ئەمریکا داوای له عێراق كردووه هێزه‌كانی حەشدی شەعبی هه‌ڵبوه‌شێنێته‌وه و دانیشتوانی غەززەش لە بیابانی ئەنبار نیشته‌جێبكات.
مالیکی باسی له‌وه‌شكردووه كه:" ئەمریکا داوای لە عێراق کردووە حەشدی شەعبی هەڵوەشێنێتەوە و لەگەڵ هێزەکانی دیكه‌ی عێراق رێكبخرێن".
سه‌رۆكی هاوپه‌یمانیی ده‌وڵه‌تی قانون ده‌ڵێت:" حەشدی شەعبی رۆڵی سەرەکی هەیە لە پاراستنی ئاسایشی ناوخۆی عێراق کە له ئێستادا نزیکەی ٢٦٠ هەزار چەکدار له‌نێو ئه‌و هێزه‌دایه"
ده‌شڵێت:" ئەمریکا داواشی لە عێراق کردووە دانیشتوانی غەززە لە بیابانی ئەنبار نیشتەجێبکات، به‌ڵام چ عێراق و چ فەلەستینییەکان دژی ئەو داوایەی ئەمریکان رەتیدەکەنەوە"
Copyright © 2020 Kirkuk Tv All Rights Reserved Designed And Developed By AVESTA GROUP