وه‌جبه‌یه‌كی دیكه‌ی ئه‌و خێزانه عێراقییانه‌ی كه له كه‌مپی هۆڵ له رۆژئاوای كوردستان ده‌سبه‌سه‌رن و ژماره‌یان 167 خێزانه‌و ده‌وترێت كه‌سوكاری تیرۆرستانی تاقمی تیرۆرستی داعشن، گه‌ڕێندرانه‌وه بۆ عێراق و كه‌مپكه‌یان جێهێشت.
ئاژانسی (هاوار) نزیك له ئیداره‌ی خۆسه‌ر، ئه‌مڕۆ 23ی شوباتی 2025 ، 167 خێزان كه له كه‌مپی هۆڵ ده‌ستبه‌سه‌رن له‌لایه‌ن هێزه‌كانی سوریای دیموكرات و ژماره‌یان 618 كه‌سه، به هه‌ماهه‌نگیی له‌گه‌ڵ، لیژنه‌ی كۆچ و كۆچبه‌رانی ئه‌نجومه‌نی نوێنه‌رانی عێراق، ره‌وانه‌ی عێراق كراونه‌ته‌وه.
ئاژانسی (هاوار) ئاماژه‌ی بۆئه‌وه‌شكردووه كه:" ئه‌مه پێنجه‌مین جاره له ماوه‌ی ئه‌مساڵدا، ئه‌و خێزانانه‌ی كه هه‌ڵگری ناسنامه‌ی عێراقین له‌و كه‌مپه‌دا ده‌سبه‌سه‌رن، ره‌وانه‌ی عێراق ده‌كرێنه‌وه‌و ئازادده‌كرێن.
ئه‌و خێزانانه دوای گه‌ڕانه‌وه‌یان، به سه‌رپه‌رشتیی لایه‌نه په‌یوه‌ندیداره‌كان، ده‌گوازرێنه‌وه بۆ كه‌مپی (جه‌دعه) له پارێزگای نه‌ینه‌وا.
Copyright © 2020 Kirkuk Tv All Rights Reserved Designed And Developed By AVESTA GROUP