بەگوێرەی پێوەرەکانی گەندەڵی بۆ ساڵی 2024، کە
لەلایەن ڕێکخراوی شەفافیەتی نێودەوڵەتییەوە دەرچووە. عێراق لە کۆی 180 وڵاتی جیهان
لە ڕوبەڕوبوونەوەی گەندەڵیدا پلەی 140هەمینی هەیە.
د.فازڵ غەراوی سەرۆکی ناوەندی ستراتیجی بۆ
مافەکانی مرۆڤ لە عێراق، ڕایگەیاند: عێراق پێشکەوتنی بەرچاوی لە ڕیزبەندی جیهانیدا
بەدەستهێناوە. لە کۆی 100 خاڵ 26 خاڵی بەدەستهێناو ڕیزبەندییەکەی بەرزکردەوە بۆ
پلەی 140ی جیهانی لە کۆی 180 وڵات، بەراورد بە ساڵی 2023 سێ خاڵ بەرزبووەتەوە.
وتیشی، عێراق لە بەرەنگاربوونەوەی گەندەڵیدا لە
ماوەی نێوان مانگی ئابی 2023 تا تەمموزی 2024 پێشکەوتنی بەرچاوی بەدەستهێناوە. ئەمەش
لە دووەم ڕاپۆرتی بەرنامەی بەدواداچوونی دادگاییکردنی دۆسییە گەورەکانی گەندەڵیدا
دەرکەوتووە، کە لەلایەن پرۆگرامی پەرەپێدانی نەتەوە یەکگرتووەکان بە هاوکاری
ئەنجوومەنی باڵای دادوەری ئامادەکراوە.
عێراق لە ڕیزبەندی هەشتەمی گەندەڵترین وڵاتانی
عەرەبی دێت و ئیماراتی یەکگرتووی عەرەبیش لە پێشەنگی وڵاتانی عەرەبیدایە و لە پلەی
23ی جیهانیدا وەک کەمترین وڵاتی گەندەڵ لە ناوچەکەدا.
Copyright © 2020 Kirkuk Tv All Rights Reserved Designed And Developed By AVESTA GROUP