وەزارەتی پلاندانانی عیراق ئەنجامی سەرژمێری گشتی رادەگەیەنێت

وەزارەتی پلاندانانی عێراق ئەنجامی کۆتایی سەرژمێری گشتی راگەیاند، بەپێی ئەنجامەکان ژمارەی دانیشتوانی وڵاتەکە گەیشتوەتە 46 ملیۆن و 118 هەزار و 793 کەسە.
وەزارەتی پلاندانانی عێراق رایگەیاند، بەپێی ئەنجامی سەرژمێریی گشتیی دانیشتووان، ژمارەی دانیشتووانی عێراق 46 ملیۆن و 118 هەزار کەسە، بەم پێیەش بەراورد بە سەرژمێریی ساڵی 1957 ژمارەی دانیشتووان 39 ملیۆن و 618 هەزار کەس زیادیکردووە.
وەزارەتی پلاندانانی عێراق راگەیاند، بەپێی ئەنجامی کۆتایی پرۆسەی سەرژمێری 70.17% دانیشتووان لە شارەکاندا نیشتەجێن، 29.83% یان لە گوندەکان.
سەبارەت بە هەرێمی کوردستانیش پلاندانانی عێراق ئاشکرایکردووە، 84.57% یان لە شار و 15.43% لە گوندەکان دەژین.
هەر بەپێی ئەنجامی سەرژمێرییەکە، 72.15% ی دانیشتووانی عێراق خاوەنی خانووی خۆیانن، لە هەرێمی کوردستانیش رێژەکە 70.19% یە.
وەزارەتعی پلاندانان ئەوەشی ئاشکرا کردووە، 54% ـی دانیشتوانی عێراق هاوسەرگیرییان کردوە و 41 %ـی دانیشتوانیش ژیانی هاوسەرگیرییان پێکنەهێناوە.
هەربەپێی ئەنجامەکان، رێژەی نەخوێنەواری لە هەرێمی کوردستان 16%ـیە، لە پارێزگاکانی دیکەی عێراقیش رێژەی نەخوێنەواری 15%ـە.