سودانی : زیاتر له‌ 10 هەزار پارچە زەوی بۆ مامۆستایان و کەرتی پەروەردە تەرخانکراون

عێراق
16:26 - 2025-03-02

محەمەد شیاع سودانی سەرۆکوەزیرانی عێراق رایگەیاند: 80%ـی پلانەکانی وەزارەتی پەروەردە جێبەجێکراون.

 

نوسینگەی راگەیاندنی محەمەد شیاع سودانی سەرۆکوەزیرانی عێراق رایگەیاند: محەمەد شیاع سودانی لە کۆبوونەوەیدا لەگەڵ ئەنجومەنی سەندیکای مامۆستایانی عێراق، رایگەیاندووە، پلان و بەرنامەکانی وەزارەتی پەروەردە بەڕێژەی 80% جێبەجێکراون.

 

وتیشی: لەکۆی زیاتر لە 44 هەزار پارچە زەوی، زیاتر لە 10 هەزار پارچە زەوییان بۆ مامۆستایان و فەرمانبەرانی کەرتی پەروەردە تەرخانکراون، و لەداهاتووشدا گرنگی زیاتر بە مامۆستایان و کەرتی پەروەردە دەدرێت”.

 

ئاماژەی بەوەشکردوە:، لەچوارچێوەی بەرنامەکانی حکومەتی عێراق تایبەت بە کەرتی پەروەردە، زیاتر لە 10 هەزار خوێندنگە نۆژەندکراوەتەوە و هەزار و 341 بینای خوێندنگەش کارییان تێداکراوە.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP