لە عيراق ساڵی رابردوو 700 هەزار تۆن خورما هەناردەی دەرەوە کراوە

وەزیری کشتوکاڵی عێراق رایگەیاند، ساڵی رابردوو ٧٠٠ هەزار تۆن خورما لە عێراقەوە هەناردەی دەرەوە کراوە.
عەباس مالیکی، وەزیری کشتوکاڵی عێراق باسی لەوەشکردووە، زیادکردنی ئاستی هەناردەکردنی بەرهەمە کشتوکاڵییەکان لە پێناو بەهێزکردن و فرەچەشنکردنی ئابوری عێراقە.
هاوکات، لە کۆبونەوەی نێوان وەفدێکی وەزارەتی کشتوکاڵی عێراق و چەند کۆمپانیایەکی کشتوکاڵی ئەڵمانیا چەند داتاو راپۆرتێکی کشتوکاڵی خراوەتەڕوو، کە یەکێک لەوانە تایبەت بووە بە هەناردەکردنی بەرهەمە کشتوکاڵییەکانی عێراق بۆ دەرەوە.
ئەمەش لەکاتێکدایە، ساڵی پێشووتر عێراق ٧٢٥ هەزار تۆن خورمای هەناردەی بازارەکانی جیهان کردبوو.