كەشناسی عیراق: مانگی رابردوو 30 بوومەلەرزە تۆمار كراوە

دەستەی گشتی كەشناسی عیراق رایگەیاند،  مانگی رابردوو 30 بومەلەرزە لە وڵاتەكەدا تۆمار كراوە كە 11ی لە پارێزگای سلێمانی بووە  .
دەستەی گشتی كەشناسی عیراق لە راپۆرتێكدا ئاشكرایكرد، بەپێی داتا تۆماركراوەكانی تۆڕی تۆماری بومەلەرزەزانیی عیراقی، مانگی شوبات 66 بومەلەرزە لە عیراق و وڵاتانی دراوسێی تۆماركراوە و لەو ژمارەیە 30 بومەلەرزە لە عیراق و 31 لە ئێران و 5 بوومەلەرزەش لە توركیا بووە .
لە كۆی ئەو 30 بومەلەرزەیەی لە عیراق تۆمار كراوە، 11یان لە پارێزگای سلێمانی و 8ی لە دیالە و 4 لە واست لە هەولێر و دهۆك و نەینەواش 2 بومەلەرزە و لە پارێزگای سەڵاحەدینیش بوومەلەرزەیەك تۆمار كراوە .