بەرپرسێکی عێراق رایدەگەیەنێت، ساڵانە هەزاران
ئۆتۆمبێل هاوردەی عێراق دەکرێن و گرفتی بۆ کەرتی گواستنەوە و هاتووچۆ دروست کردووە.
هاشم سودانی، بەڕێوەبەریی گشتیی کۆمپانیای
هاوردەکردنی ئۆتۆمبێل لە عێراق، لە راگەیاندراوێکدا ئاشکرای کردووە، لە چوار ساڵی
رابردوودا نزیکەی 200 هەزار ئۆتۆمبێل هاوردەی عێراق کراوە و ئاستەنگی بۆ شەقامەکان
دروستکردووە.
ئەوەشی خستووەتەڕوو، کۆی گشتی ئەو ئۆتۆمبێلانەی لە
عێراقدا هەن، نزیکەی هەشت ملیۆنیان تێپەڕاندووە و زۆربوونی ژمارەی ئۆتۆمبێل لە
وڵاتەکەدا بووەتەهۆی قەرەباڵغی و جەنجاڵییەکی زۆر لەسەر شەقامەکان و گرفتی بۆ
کەرتی گواستنەوە دروستکردووە.
دەشڵێت، پێویستە کۆنتڕۆڵی ئاستی هاوردەکردنی
ئۆتۆمبێل بکرێت و سنوورێکی گونجاویان بۆ دابندرێت، یاخود لە بەرامبەردا ژمارەی پرد
و شەقام و جووتسایدەکان زیادبکرێن و رێگاوبانەکان باشتر بکرێن.
Copyright © 2020 Kirkuk Tv All Rights Reserved Designed And Developed By AVESTA GROUP