سەرۆکوەزیرانی عێراق کوژرانی جێگری خەلیفەی داعش و والیی هەریەک لە سووریا و عێراق رادەگەیەنێت و دەڵێت، لە ئۆپراسیۆنێکی دەزگای هەواڵگرییدا بە هەماهەنگیی هاوپەیمانیی نێودەوڵەتی کراوەتە ئامانج.
محەمەد شیاع سودانی، سەرۆکوەزیرانی عێراق لە تۆڕی
ئێکس ئاشکرایکرد، توانیویانە عەبدوڵا مەکی موسڵیح رەفیعی بکوژن کە خۆی بە (ئەبو خەدیجە) ناساندووە و
وەک جێگری خەلیفە و والیی عێراق و سووریای داعش و بەرپرسی کردەوە درەکییەکانی داعش
بووە
سودانی ئاماژەی بۆئەوەشکردوە، ئۆپراسیۆنەکەی
دەزگای هەواڵگريی بۆ کوشتنی ئەو گەورە تیرۆریستەی داعش، بە هەماهەنگیی هێزەکانی
هاوپەیمانان ئەنجامدراوە.
سەرۆکوەزیرانی عێراق دەشڵێت، ئەو سەرکردەیەی داعش
کە کوژراوە، یەکێکبووە لە هەرە مەترسیدارترین تیرۆریستەکان لە عێراق و جیهاندا و
ئۆپراسیۆنەکەی بە دەستکەوتێکی ئەمنیی گەورە وەسفکردووە.
Copyright © 2020 Kirkuk Tv All Rights Reserved Designed And Developed By AVESTA GROUP