بەڕێز کاک دکتۆر بەرهەم ئەحمەد ساڵح
بە داخ و خەمێکی زۆرەوە هەواڵی کۆچی دوایی کەسایەتی دیار و راگەیاندنکار بەڵێن ئەحمەد ساڵح، برای جەنابتمان پێگەیشت.
بۆ ئەم ماتەمە، پرسە و سەرەخۆشی خۆمان ئاڕاستەی ئێوە و کەسوکار و بنەماڵە سەربەرزو تێکۆشەرەکەتان دەکەم، هاوبەشی خەمتانم، لە خوای گەورە داواکارم رۆحی کۆچکردوو بۆ هەمیشە شادبێت و سەبووری و ئارامی بەهەموولایەک ببەخشێت.
بافڵ جەلال تاڵەبانی
سەرۆکی یەکێتیی نیشتمانیی کوردستان
----------------------------------------------------------------------
برای بەڕێزم کاک دکتۆر بەرهەم ساڵح
زۆر بەداخەوە هەواڵى کۆچی دوایی کاکە (بەڵێن ساڵح)ی برای بەڕێزتانم بیست.
کاک بەڵێن میدیاکارێکی دڵسۆز و بەئەزموون بوو کە لەرێی دەنگی ئەمریکاوە خزمەتی بەرچاوی دەکرد. بۆ ئەم کۆچە، هاوبەشی خەمتانم و پرسەو سەرەخۆشیتان لێ ئەکەم. خوای گەورە لێی خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت.
انا لله وانا اليه راجعون
قوباد تاڵەبانی
جێگری سەرۆکی ئەنجومەنی وەزیران
-----------------------------------
کۆسرەت رەسول پرسەنامەیەک ئاراستەی هەڤاڵ دکتۆر بەرهەم ساڵح دەکات
برای بەڕێزم دکتۆر بەرهەم ئەحمەد ساڵح
بەداخێکی زۆرەوە هەواڵی کۆچی دوایی رۆژنامەنووس و میدیاکاری دیاری کوردی دەنگی ئەمریکا (بەڵێن ساڵح)ی برای بەڕێزتانم بیست، دڵگران و خەمباری کردم، هاوبەشی خەمتانم.
کاکە بەڵێن ساڵح رۆژنامەنووسێکی دیارو ناسراوی کورد بوو، ساڵانێکی زۆرە لە دەنگی ئەمریکا خزمەتی کوردو دۆزە رەواکەی کرد، بەداخەوە بۆ ئەم کۆستەو لەدەستدانی ئەم رۆژنامەنووسە بەتوانایە، پرسەو سەرەخۆشی و هاوخەمی خۆمتان ئاراستە دەکەم، هیواخوازم ئەمە دواکۆست و ناخۆشی و خۆتان و خانەوادە تێکۆشەرەکەتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.
براتان
کۆسرەت رەسول عەلی
--------------------------------------------------------------------------
بەڕێز کاک دکتۆر بەرهەم ئەحمەد ساڵح سەرۆکی پێشووی کۆماری عیراق
بەداخێکی زۆرەوە هەواڵی کۆچی دوایی کاک بەڵێن ئەحمەد برای بەڕێزتان و ڕاگەیاندنکاری سەرکەوتوی دەنگی ئەمریکامان پێگەیشت
بۆ ئەم خەمە پرسەو ماتەمی خۆمان ئاراستەی بەڕێزتان و کەسوکار و خانەوادە تێکۆشەرەکەتان دەکەین
لەیەزدانی مەزن داواکارین کۆچکردوو بە بەهەشتی بەرین شاد بکات و سەبوری گشت لایەک بدات
مەکتەبی سیاسی
یەکێتیی نیشتمانیی کوردستان
------------------------------------------------------------
برای بەڕێزم کاک دکتۆر بەرهەم ئەحمەد ساڵح
بەداخ و پەژارەیەکی زۆرەوە ھەواڵی کۆچی دوایی کەسایەتی دیار و ڕاگەیاندنکاری سەرکەوتوی دەنگی ئەمریکا كاك بەڵێن ساڵح_ی برا-تمان بیست
بەم بۆنە خەمناکەوە پرسەو سەرەخۆشی خۆمان پێشكەشی تەواوی خانەوادەو خزم و دۆستانی دەکەین ، هیوادارین رۆحی خوالێخۆشبوو (كاك بەڵێن ) ئارام و شاد بێت ، و دوا ناخۆشی بنەماڵە تێکۆشەرەكەتان بێت.
سەعدی ئەحمەد پیرە
-----------------------------------------------------------------------------
شێخ جەعفەر شێخ مستەفا سەرەخۆشی لە دکتۆر بەرهەم ساڵح دەکات
برای بەڕێزم دکتۆر بەرهەم ساڵح
بەخەم و پەژارەیەکی زۆرەوە هەواڵى کۆچی دوایی کاکە (بەڵێن ساڵح)ی برای بەڕێزتانم پێگەیشت.
بۆ ئەو خەمە قووڵە هاوخەمیی و پرسەی خۆم بە بەڕێزتان و خانەوادە بەڕێزەکەتان رادەگەیەنم. خوای گەورە کوچکردووە بە بەهەشتی بەرینی خۆی شاد بکات و سەبووریتان بدات.
ٳنا لله وإنا ٳليه راجعون
شێخ جەعفەر شێخ مستەفا
لێپرسراوی ئەنجومەنی پاراستنی بەرژەوەندییە باڵاکانی یەکێتیی نیشتمانیی کوردستان
-----------------------------------------------------------------------------
پرسەنامەی عیماد ئەحمەد بۆ کۆچی دوایی بەڵێن ساڵح، برای دکتۆر بەرهەم ساڵح
بەڕێز : کاک دکتۆر بەرهەم
بەداخ و پەژارەیەکی زۆرەوە، هەواڵی ژیانئاوایی کاکە ( بەڵێن )ی برای بەڕێزتانم پێگەیشت.
خوالێخۆش بوو جگە لەوەی کوڕی بنەماڵەیەکی نیشتیمان پەروەر بوو خۆشی ڕۆژنامەنوسێکی دیار و لێهاتوو بوو کە خزمەتێکی زۆری بواری ڕۆژنامەنوسی کوردی کردووە…
هەر بۆیە بە لەدەستدانی کاکە بەڵێن زۆر دڵتەنگ و نیگەران بووین…
بۆ ئەم خەمە گەورەیە پرسەو سەرەخۆشی ئاڕاستەی کەسوکارو بنەماڵە سەربەرزەکەیان دەکەین و هاوبەشی ماتەمیانین.
لەخوای گەورە داواکارین گیانی پاکی کۆچکردوو بەبەهەشتی بەرین شادبکات، سەبووری و ئارامی بە هەموولایەک ببەخشێت.
عیماد ئەحمەد
-----------------------------------------------------------------------------
برای ئازیزمان کاک د. بەرهەم ئەحمەد ساڵح
بەداخ و پەژارەیەکی زۆرەوە هەواڵی کۆچی دوایی کاک (بەڵێن ئەحمەد ساڵح)-ی براتانم پێگەیشت.
کاکە بەڵێن یەکێک بوو لە رۆژنامەنووسە وردو بەسەلیقەکان، ساڵانێکی زۆر لە بەشی کوردی رادیۆی دەنگی ئەمریکا خزمەتی زۆری کرد لە بواری رۆژنامەنووسی و گەیاندنی دەنگی کورد بە دونیای دەرەوە.
هاوبەشی خەمتانم و داواکارم لەیەزدانی مەزن جێگەی کاکە بەڵێن بەهەشتی بەرین بێت و خوای گەورە سەبووری کەسوکارو هاوڕێیانی بدات.
إنّا لله وإنّا إليهِ رَاجعُون
دەرباز کۆسرەت رەسوڵ
ئەندامی مەکتەبی سیاسیی
یەکێتیی نیشتمانیی کوردستان
Copyright © 2020 Kirkuk Tv All Rights Reserved Designed And Developed By AVESTA GROUP