وەفدی ئیدارەی خۆسەرو ئیدارەی دیمەشق لەسەر چوار خاڵ رێككەوتن

وەفدی ئیدارەی خۆسەری رۆژئاوای كوردستان و وەفدی حكومەتی راگوزەری سوریا لە دیمەشق كۆبونەوە و لەسەر چوار خاڵ رێككەوتن.
بەپێی راگەیەندراوی هاوبەشی كۆبونەوەكە، هەردوولا لەبارەی جێبەجێكردنی رێككەوتنەكەی 10ی ئازاری نێوان مەزڵوم عەبدی، فەرماندەی گشتی هەسەدە و ئەحمەد شەرع، سەرۆكی راگوزەری سوریا، لەسەر چوار خاڵ رێككەوتن.
ئەو چوار خاڵەی لەسەری رێككەوتون، ئەمانەن: پێكهێنانی چەند لیژنەیەكی لاوەكی و تایبەت بۆ بەدواداچونی جێبەجێكردنی رێككەوتنەكەی 10ی ئازاری نێوان مەزڵوم عەبدی و ئەحمەد شەرع.
خاڵکێکی دیکەی ڕێککەوتنەکە پەیوەستە بە هەوڵدان بۆ چارەسەركردنی كێشە هەڵپەسێردراوەكانی دۆسیەی تاقیكردنەوەكان و ناوەندەكانی تاقیكردنەوەكان، بەشێوەیەك دەستەبەری مافی خوێندكاران و سەلامەتی پڕۆسەی پەروەردە بكات.
تاوتوێكردنی میكانیزمەكانی ئاسانكاری بۆ گەڕانەوەی ئاوارەكان بۆ ناوچەكانی خۆیان و كاركردن لەسەر لابردنی كۆسپەكانی بەردەم گەڕانەوەیان، خاڵکێکی دیکەی ڕێککەوتنەکەی رێككەوتنی ئیدارەی خۆسەر و دیمەشقە.
هەردوولاش لەسەر كاراكردنەوەی دۆسیەی هەردوو گەڕەكی ئەشرەفیە و شێخ مەقسودی حەڵەب و هەوڵدان بۆ چارەسەركردنی دۆسیەكە ڕێککەوتن بەشێوەیەك خزمەت بە سەقامگیری و ئاشتی كۆمەڵایەتی بكات.
هەروەها وەك لە راگەیەندراوەكەدا هاتووە، هەردوولا جەختیان لە پابەندبوون بە گفتوگۆی بونیادنەر و هەماهەنگی بەردەوام كردەوە و لەسەر دیاریكردنی كۆبونەوەیەكی دیكەش لە نزیك كاتدا بۆ تەواوكردنی گفتوگۆ و بەدواداچون رێككەوتن.