خولی شەشەمی دانوستانی ئەمریكاو ئێران یەکشەممەی داهاتوو لە مەسقەت بەڕێوەدەچێت

بەدربوسەعیدی، وەزیری دەرەوەی عومان رایگەیاند، خولی شەشەمی دانوستانە ئەتۆمییەکەی نێوان تاران و واشنتن رۆژی یەکشەممەی داهاتوو  لە مەسقەت بەڕێوەدەچێت.
تاوەکو ئێستا پێنج خولی دانوستان لەسەر پرسی ئەتۆمیی ئێران، لە نێوان تاران و واشنتن بەڕێوەچووە سیانیان لە مەسقەت و دوویان لە رۆما بووە، بەڵام كۆبونەوەكان هیچ رێکەوتنێکی جێگیریان بەخۆوە نەبینیوە.
دەستپێکی خولی شەشەمی دانوستانە ئەتۆمییەکە لە کاتێکدایە  دۆناڵد ترەمپ سەرۆکی ئەمریکا دوێنێ  رایگەیاند، متمانەی بە گفتوگۆ و رێککەوتن لەگەڵ ئێران کەمبووەتەوە، ئەوەش دوای ئەوەی جارێکی دیکە تاران جەختیکردەوە دەستبەرداری پیتاندنی یۆرانیۆم نابێت.