میدیای ئێران کوژرانی شەش زانای ئەتۆم لە هێرشەکانی ئیسرائیلدا بۆ سەر وڵاتەکە رادەگەیەنێت

میدیای ئێران کوژرانی شەش زانای ئەتۆم لە هێرشەکانی ئیسرائیلدا بۆ سەر وڵاتەکە رادەگەیێنێت.
ئاژانسی تەسنیمی نیمچە رەسمی ئێران، رایگەیاند: لە هێرشەکانی ئەمڕۆی ئیسرائیلدا، هەریەک لە عەبدولحەمید مینوچەهر، ئەحمەدڕەزا زولفەقاری، سەید ئەمیرحسێن فەقیهی، موتەلیبزادە، محەمەدمەهدی تارانچی و فەرەیدوون عەباسی، کە لە زانا ئەتۆمییەکانی کۆماری ئیسلامیی ئێرانن، شەهید بوون.
ئاژانسی تەسنیم ئاشکراشیکرد: "ئیسرائیل بەم کردەوەیە سەلماندی کە ئامانجی راستەقینەی، زانست و تەکنەلۆژیایە و بە چەکی تیرۆر، هاتووەتە جەنگ دژی زاناکانمان، بەمەش ناوی ئەم شەش کەسە خرایە پاڵ لیستی زانا ئەتۆمییە تیرۆرکراوەکانی کۆماری ئیسلامیی ئێران."