نۆ ئه‌ندامی دادگای فیدراڵی ده‌ست له‌كارده‌كێشنه‌وه‌

نیوه‌ڕۆی ئه‌مڕۆ شه‌ش دادوه‌ری سه‌ره‌كی دادگای فیدراڵی و سێ دادوه‌ری یه‌ده‌گ ده‌ستله‌كاركێشانه‌وه‌یان پێشكه‌ش كرد.
به‌پێی زانیارییه‌كانى سایتى ڕەسمى یەکێتى كه‌ له‌یه‌كێك له‌دادوه‌ره‌كانی دادگاكه‌ وه‌ریگرتووه‌، هۆكاری ده‌ستله‌كاركێشانه‌وه‌ی ئه‌و دادوه‌رانه‌ بۆ ئه‌وه‌ ده‌گه‌ڕێته‌وه‌ كه‌ سه‌رۆكی دادگاكه‌ بۆ بڕیاردان و كۆبوونه‌وه‌كان ناگه‌ڕێته‌وه‌ بۆ دادوه‌ره‌كان و بڕیاری تاك لایه‌نه‌ ده‌دات.
هه‌ر له‌و باره‌یه‌وه‌ د.بڕیار ره‌شید ئه‌ندامی ئه‌نجومه‌نی نوێنه‌رانی عیراق رایگه‌یاند: ده‌ستله‌كاركێشانه‌وه‌ی ئه‌و دادوه‌رانه‌ بۆ پرسی مووچه‌ی مووچه‌خۆرانی هه‌رێم ناگه‌ڕێته‌وه‌، به‌ڵكو په‌یوه‌ندی به‌و ناكۆكییانه‌وه‌ هه‌یه‌ كه‌ له‌نێوان سه‌رۆك و ئه‌ندامانی دادگاكه‌دا هه‌یه‌.
وتیشی: به‌ده‌ستله‌كاكێشانه‌وه‌ی ئه‌و دادوه‌رانه‌، دادگاكه‌ ناتوانێت هیچ بڕیارێك ده‌ربكات، هه‌رچه‌نده‌ تائێستا ده‌ستكاركێشانه‌وه‌ی دادوه‌ره‌كان په‌سند نه‌كراوه‌، به‌ڵام به‌په‌سندكردنی دادگاكه‌ په‌كی ده‌كه‌وێت.