کۆمسیۆن: زیاتر لە 2 ملیۆن کەس کارتەکانیان نوێکردووەتەوە

ئەمڕۆ دوا وادەی نوێکردنەوە و تۆمارکردنى کارتى بایۆمەترى بوو، کۆمسیۆنیش  رایدەگەیەنێت: ژمارەی ئەوانەی کارتی بایۆمەترییان نوێکردووەتەوە زیادیکردووە و گەیشتووتە زیاتر لە 21 ملیۆن کەس کارتەکانیان نوێکردووەتەوە.
لەڕاگەیەنراوێکدا کۆمیسیۆنی باڵای سەربەخۆی هەڵبژاردنەکانی عیراق ئاماژەی بەوەکردووە، لە 25ی مانگی ئازارەوە تا ئەمڕۆ ژمارەی ئەو کەسانەی کارتی بایۆمەترییان نوێکردووەتەوە زیادیکردووە و گەیشتووەتە دوو ملیۆن و 155 هەزار و 97 کەس.
بەپێی راگەیەندراوەکەی کۆمسیۆن کۆی گشتی ئەو کەسانەی کارتەکانیان نوێکردۆتەوە بریتییە لە 21 ملیۆن و 400 هەزار و 89 کەس.
جومانە غەلای وتەبێژی کۆمیسیۆنی باڵای سەربەخۆی هەڵبژاردنەکانی عیراق رایگەیاند: هەڵمەتی راگەیاندن و تیمە گەڕۆکەکان یارمەتیدەربوون لە بەرزبوونەوەی رێژەی نوێکردنەوەی بایۆمەتری، هەروەها هاووڵاتیانیش خواستێکی زۆریان بۆ نوێکردنەوەی کارتەکانیان هەبووە.
وتیشی پێشتر بۆ ماوەی زیاتر لە یەک مانگ کاتی تۆمارکردنمان درێژکردووەتەوە و لە 20ی حوزەیران کاتەکە کۆتایی پێهات،  ئەمەش زۆرترین  درێژکردنەوەی ماوەیە کە کۆمیسیۆن کردوویەتی.