نەتانیاهوو: زەبری کوشندەمان لە ئێران داوە

سەرۆکوەزیرانی ئیسرائیل رایگەیاند، زەبری کوشندەیان لە ئێرانداوە و ئامانجی هێرشەکانیان لەناوبردنی بەرنامە ئەتۆمیی و موشەکە بالیستیکییەکانی تارانە. دەشڵێت لەدوای هێرشەکەی ئەمڕۆوە هیچ سەرکردەیەکی ئێرانی پارێزراو نابێت لە هێرشەکانیان.
نەتانیاهوو سەرۆکوەزیرانی ئیسرائیل لەمیانی سەردانی ئەو نەخۆشخانەیەی ئێران کردیە ئامانج لە کۆنگرەیەکی رۆژنامەوانیدا، ڕأیگەیاند ئامانجەکانیان بەدەستدەهێنن و هەڕەشەی ئەتۆمی و موشەکی لەسەر ئیسرائیل ناهێڵین، راشیگەیاند لە ئەنجامی هێرشەکانیان وێستگەی ئەتۆمیی نەتەنز لەکارکەوتووە.
نەتەنیاهو ئاماژەی بەوەشکرد، ئێران ویستویەتی 20 هەزار موشەک بەرهەم بهێنێت، ئەمەش وێڕای چەکیی ئەتۆمی هەڕەشەیەکی دیکەیە و هەردووکیان هەڕەشەیە لەناو دەبەین.
وتیشی هاوڵاتی سڤیل کوژراون و کەسانی دیکەش بریندارن، بۆیە ئێران باجێکی قورس دەدات.
نەتانیاهوو دەشڵێت، پشتیوانی سەرەکی حەماس ئێرانە و ئەگەر ئێرانیان تێکشکاند حەماس پشتیوانی نامێنێت و بارمتەکان دەگەڕێنینەوە.