کۆمسیۆن رەتیدەکاتەوە وادە بۆ پێشکەشکردنی لیست و کاندی درێژبکرێتەوە

عیماد جەمیل سەرۆکی تیمی راگەیاندنی کۆمسیۆنی باڵای سەربەخۆی هەڵبژاردنەکانی عیراق، دەنگۆی کردنەوەی دەرگای گۆڕانکاری یان تۆمارکردنی لیست لە کۆمسیۆنەکە رەتکردەوە و رایگەیاند: کۆمسیۆن پڕۆسەی وەرگرتنی لیستی کاندیدەکانی تەواوکردووە، تائێستاش هیچ بڕیارێک نەدراوە بۆ کردنەوەی دەرگا بۆ هەموارکردنەوە یاخود وەرگرتنی لیستی نوێ.
وتیشی: هیچ بڕیارێك نییه‌ بۆ دووباره‌ كردنه‌وه‌ی ده‌رگای ناوتۆماركردن بۆ كاندیدان، به‌و پێیه‌ی كۆمسیۆنه‌كه‌ له‌سه‌ر خشته‌ی دیاریكراو كاره‌كانی بۆ هه‌ڵبژاردنی داهاتووی عیراق رێكده‌خات.
سەرۆکی تیمی راگەیاندنی  کۆمسیۆن باسیلەوەشکرد: ئێستا کۆمسیۆن گەیشتووەتە قۆناغی پێداچوونەوە بە لیستی کاندیدەکان و ناردنیان بۆ لایەنە پەیوەندیدارەکان و پەسەندکردن و ئەنجامدانی تیروپشک بۆ دیاریکردنی ژمارە بە قەوارەکان.
لە رابردوودا جومانە غەلای، وتەبێژی كۆمسیۆنی باڵای سەربەخۆی هەڵبژاردنەكان رایگەیاندبوو: 160 هاوپەیمانی و حزب و لیستی تاكەكەسی، لیستی ناوی كاندیدەكانیان بۆ بەشداریكردن لە هەڵبژاردنی ئەنجومەنی نوێنەران پێشكەش كردووە.