هەزاران گەشتیار روو له‌ ناوچە گەشتیارییەكانی هەڵەبجەو هەورامان ده‌كه‌ن

لەیەكەم رۆژی جەژنی قورباندا هەزاران گەشتیار روویان لە ناوچە گەشتیارییەكانی هەڵەبجە و هەورامان كردوه‌ و بەڕێوبەرایەتی گەشتوگوزاری هەڵەبجەش ده‌ڵێت، ئامادەكاری پێویست بۆ پێشوازی گەشتیاران كراوه‌.

رێباز عەبدولڕەحمان سەرپەرشتیاری تیمەكانی بەڕێوبەرایەتی گەشتوگوزاری هەڵەبجە، رایگەیاند: تیمەكانی بەڕێوبەرایەتی گەشتوگوزاری هەڵەبجە دابەشكراون بەسەر شوێنەگەشتیاریەكاندا و چاودێری نرخ و شوێنە گشەیەكان دەكەن و رێنمایی پێویست دەدەنە گەشتیاران .

وتیشی: لەڕووی ئەمنیەوە دامودەزگا ئەمنیەكان لە شوێنە گەشتیارییەكان چاوكراوەن و لە هەر ئەگەرێكی نەخوازراودا بەدەم گەشتیارانەوە دەچن، ژمارەیەكی زۆریش گەشتیاتار لە ناوەڕاست و باشوری عیراقەوە هاتوون.