پێكدادان له‌نێوان پاسه‌وانی سنوری ئێران و چه‌كدارانی تاڵیبان روده‌دات

له‌پێشهاتێكی نوێدا ئه‌مڕۆ پێكدادانی سه‌ربازی له‌نێوان پاسه‌وانانی سنوری ئێران و چه‌كدارانی تاڵیبان له‌نێوان سنوری هه‌ردوو وڵات رویداوه‌.

به‌پێی سه‌رچاوه‌كانی هه‌واڵ به‌هۆكارێكدا نادیار له‌ ناوچه‌ی كانگی پارێزگای نیمروزی باكوری ئه‌فغانستان، پێكدادانی قورس له‌ سنوری نێوان چه‌كدارانی تاڵیبان و پاسه‌وانانی سنوری ئێراندا ڕویداوه‌،
سه‌رچاوه‌كانی هه‌واڵ باس له‌وه‌ده‌كه‌ن ، چه‌كدارانی تاڵیبان داوایان له‌ دانیشتوانی ناوچه‌كه‌ كردوه‌ ماڵ و حاڵی خۆیان به‌جێبهێڵن.

ئاماژه‌ به‌وه‌شكراوه‌، چه‌كدارانی تاڵیبان ئۆتۆمبێلی زرێپۆش و چه‌ندین چه‌كی قورسیان ره‌وانه‌ی سنوره‌كانی ئێران كردوه‌، به‌تایبه‌ت ئه‌و چه‌ك و ته‌قه‌مه‌نیانه‌ی پێشتر له‌لایه‌ن ئه‌مریكاوه‌ درابون به‌ هێزه‌كانی سوپای ئه‌فغانستان. 

ئه‌و سه‌رچاوه‌كان ئه‌وه‌شیان خستوه‌ته‌ڕو چه‌كدارانی تاڵیبان چه‌ند خاڵێكی سنوری ئێرانیان كۆنتڕۆڵ كردوه‌ و  هێزه‌كانی سوپای ئێرانیش، وه‌ڵامیانیان داوه‌ته‌وه‌.

هه‌ر به‌گوێره‌ی ئاژانسه‌كان، ئێران و ئه‌فغانستان بۆ روبه‌ڕوبونه‌وه‌كه‌، تۆپخانه‌كانیان به‌كارهێناوه‌، تا ئێستاش هۆكاری سه‌ره‌كی شه‌ڕه‌كه‌ نه‌زانراوه‌.