ھاش و ھوشەکانی شاخەوان عەبدوڵا بۆچییە ؟

کاتێک گوێبیستی قسەکانی شاخەوان عەبدوڵا بووم ، ئەوکات مرۆڤ هەست بەو ڕاستییە دەکات ، کە  توشی شۆکێکی دەرونی خراپ بوە.
 لەو سۆنگەیەوە دەیەوێت لەڕێگای چەند قسەیەکی و سواو ڕووی خۆی سپی بکاتەوە .
شاخەوان عەبدوڵا  تائێستا  نەیتوانیوە و ناشتوانێ هیچ ڕۆڵ و کاریگەریەکی ئەرێنی  ھەبێ بۆخزمەتکردنی کۆمەڵانی خەڵکی کوردستان  ،بۆیە دەیەوێت بە عەقڵیەتێکی بۆگەن و تاریک خۆی لەڕاستیەکان و بدزێتەوە .

خەڵکی کەرکوک و کەرکوکییەکان باش دەزانن کە شاخەوان و نمونەکانی ئەو ، جگە لە بووختانکردن و قسەی بریقەدار و تۆمەت دروستکردن هیچی تریان لێچاوەڕوان ناکرێت .

دەبوایە شاخەوان عەبدوڵا  بەسەردانێکی مەیدان و وەکو ئەرکێکی نیشتیمانی  بەدواداچوونی بۆ کێشەو گرفتە سیاسی و کۆمەڵایەتی و فەرهەنگی و ئابووریەکانی ناوچە جێناکۆکەکانی کوردستان کردبایە و لەنزیکەوە  گوێی لەداخوازی خەڵک بگرتایە  پیرۆزتر بوو ، نەوەکو بەدەم قاوەخواردنەوەیەک ، لەسەر مێزەکەی بەنەفەسێکی بۆگەن باسی دەستکەوتەکانی یەکێتی و سەردانەکانی سەرۆک بافڵ و تۆمەت بەخشینەوە بێت بە ڕاگەیاندنەکانی یەکێتی .

قسەکانی شاخەوان عەبدوڵا کە ئێستا پێی دەڵێن جێگری دوەمی سەرۆکی پەرلەمانی عیراق  جێگای شۆک نین، ئەوەی جێگای هەڵوێستەیە بەو عەقڵیەتە قسەکردن و  لێدوانی  جێگرێکی پەرلەمانە ئەمە کوشندەیە ، ئەگەرنا هەموو کەس دەزانێت ئەو  هیچ ڕۆڵ و کاریگەرییەکی بۆخزمەتکردنی کورد نەبوە و نابێت .
 بۆیە ئەمە وای کردووە لەجێگای ئەوەی ڕۆڵی هەبێت لەچارەسەرکردنی کێشە هەنووکەییەکان ،دێت قسەی ناعەقڵانی و بووختان بۆ یەکێتی  و ڕاگەیاندنەکان دەکات .
بەڵێ لەومینبەرەوە توانستەکانی خۆی سەلماندوە کە لەقسەی بێکردارو بێ ناوەرۆک زیاتر هیچیتری لێ چاوەڕوان ناکرێت  . 
 ئەوەی مایەی خۆشحاڵییە ئەوەیە خەڵکی  کوردستان و ناوچەجێناکۆکەکان باش شاخەوان عەبدوڵا دەناسن و دەزانن کە پیاوی کردارو خزمەتکردن بەکۆمەڵانی خەڵکی کوردستان نییە و چاوەڕێی هیچیشی لێناکرێت . 

بۆیە هاشو و هوشی ئەو هیچ لەدۆخەکە ناگۆڕێت بەڵکوی بەپێچەوانەوە  پەیوەندیە توندو تۆڵەکانی سەرۆک بافڵ لەگەڵ محمد شیاع سودانی و سەرکردە باڵاکانی عێراق گەڕم و گوڕترو پتەوتر دەکات .